Një 38-vjeçar u kap në kushtet e flagrancës duke vjedhur banesën e një gruaje 86-vjeçare.
Policia njoftoi se arrestoi shtetasin Manxhar Çaushi, banues në Libohovë, me precendent të mëparshëm penal për dhunë në familje dhe për krime të tjera kundër personit, duke vjedhur një banesë në fshatin Jorgucat. E moshuara jetonte e vetme në banesë.
“Si rezultat i veprimeve të shpejta, shërbimet e Policisë kanë kapur në flagrancë, në banesën e 86-vjeçares, shtetasin M. Ç., 38 vjeç, banues në Libohovë. Në përfundim të veprimeve, shtetasi M. Ç. u arrestua në flagrancë, për veprën penale “Vjedhja”, mbetur në tentativë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme”, njoftoi policia.
Discussion about this post