Pochettino do ndërpresë kontratën me PSG për United?

Mauricio Pochettino është i gatshëm të ndërpresë kontratën me Paris Saint-Germain që të marrë drejtimin e Manchester United.

Të paktën kështu raporton ‘talkSPORT’ që ndër të tjera shton se argjentinasi nuk mund ta përballojë egon e disa prej lojtarëve.

Më tej shtohet se përfaqësuesit e Pochettinos kanë filluar bisedimet me klubin nga Parisi për të shkëputur kontratën.

Gjë e cila është duke u refuzuar nga PSG-ja, pasi duket e vështirë që të gjejë një trajner të profilit të lartë në këtë mes sezoni.

Pochettino mund të kalojë në Manchester, pasi aktualisht familjen e ka në Londër dhe vetë jeton në një hotel, por kjo mund të ndodh vetëm me dakordsinë e PSG-së.

Ndërsa parisienët mund të emërojnë në krye të stolit të tyre Zinedine Zidanen, i cili është pa një skuadër dhe që së fundmi ka refuzuar të marrë drejtimin e Manchester United./K.T/Gijotina.com