Real Madrid dhe Paris Saint-German do të përballën në fazën tjetër të Champions League, në atë që mund të quhet përballja më e fortë e këtij kompeticioni deri tani.
Pavarësisht se madrilenët janë 13 herë fitues të trofeut, trajneri i Francezëve, Mauricio Pochettino nuk është aspak i frikësuar edhe pse e di se do të jetë një përballje e vështirë.
“Do të jetë një përballje e vështirë e dyfishtë, sepse është një ekip me një trajner të madh dhe lojtarë të mëdhenj. Ne do të përballemi me Real Madridin, i cili është një ekip i mësuar të fitojë Champions League dhe ka shumë histori dhe shumë përvojë. Është e qartë se do të luajmë një lojë shumë të vështirë. Do të jetë në shkurt, froma e momentit llogaritet pak. E rëndësishme është të mbërrijmë në shkurt në kushtet më të mira, për të vlerësuar secilin lojtar individualisht. Gjithmonë ka një pjesë të fatit në gjendjen e ekipit, dëmtimet për shembull mund të prekin ekipet. Është një ndeshje që do të luhet në një kohë të caktuar dhe disa faktorë mund të ndikojnë”, theksoi Pochettino për faqen e PSG-së.
Ai megjithatë u shpreh besimplotë pasi ka një ekip të madh me shumë talent dhe nuk ka dyshim se do PSG do të bëjë më të mirën për t’u kualifikuar në fazën tjetër.
“Sigurisht, ne duhet të kemi besim. Ne kemi një ekip të madh që ka lojtarë të mëdhenj me shumë talent dhe nuk kam asnjë dyshim se do t’ia dalim në mënyrën më të mirë dhe gjithmonë me besim të mjaftueshëm te lojtarët tanë. Kemi mjaftueshëm cilësi për të marrë të dyja ndeshjet dhe për të kaluar në turin tjetër. Ky është objektivi i PSG-së”, ka thënë argjentinasi.
Discussion about this post