Një zjarr masiv ka përfshirë kodrat e kalasë së qytetit, në Pogradec. Janë aktivizuar të paktën 3 vatra aktive. Sipërfaqja e përshkruar e madhe po digjen shkurre dhe pisha. Ndërkohë drejt vendngjarjes janë nisur ekipi zjarrfikës.
Sakaq theksojmë se kodrat në vendin e quajtur “Lugat”, të Njësisë Administrative Shushicë, Elbasan, janë përfshirë nga flakët gjatë natës.
Pavarësisht terrenit të vështirë dhe malor, forcat zjarrfikëse të qytetit, arritën të mbërrinin në vendin ku ra zjarri dhe të bënin të mundur shuarjen e tij.
Sipas informacioneve paraprake nga konstatimi në vendngjarje dyshohet se zjarri është i qëllimshëm, por deri më tani nuk ka asnjë informacion nga DVP Elbasan për të shoqëruar apo për shkaqet e zjarrit.
Në muajt shtator dhe gusht, situata me zjarret në vend ka qenë mjaft e vështirë, ku herë pas herë zjarret kanë rrezikur banesat dhe jetën e qytetarë, duke shkaktuar dhe viktima. Në Gjirokastër dy persona humbën jetën duke u përpjekur të shuajnë flakët që kishin “pushtuar” banesën e tyre.
