Punonjësit e task forcës në Pogradec, të cilët kishin shkuar në fshatin Buzhaishtë të Mokrës për të verifikuar personat me ndihmë ekonomike, janë konfliktuar dhe kërcënuar nga një person i armatosur.
Sipas informacioneve paraprake, personi i identifikuar si Spartak Çela, i cili rezulton edhe i shpallur në kërkim, u ka dalë para punonjësve të task forcës në momentin që ata i janë afruar banesës për të kryer detyrën, ndërkohë që njeri prej punonjësve ka konstatuar se Çela mbante një armë tip pistoletë.
Çela debatoi me shoferin e task forcës, me pas persona të tjerë kanë ndërhyrë për t’i qetësuar dhe punonjësit janë strehuar në një prej familjeve të fshatit.
Punonjësit e Task Forcës nga Ministria e çështjeve sociale kishte qenë në këtë zonë për të bërë verifikimin në vend të familjeve që marrin ndihmë ekonomike.
Spartak Çela është i shpallur në kërkim prej 2 vitesh, pasi ka kryer një plagosje me armë zjarri në një lokal në zonën e tij.
Mësohet se Çela është larguar dhe po kërkohet nga forcat e policisë që kanë mbërritur në fshat dhe po krehin zonën.
Discussion about this post