Pogradec/ Kamioni përplaset me transformatorin, mbi 200 familje mbeten në errësirë

Mbrëmjen e ditës së sotme një kamion është përplasur dhe ka dëmtuar transformatorin e energjisë në fshatin Bucimas të Pogradecit.

Grupet e punës se OSHEE kanë mbërritur menjëherë në vendngjarje se bashku me policinë e shtetit të cilët janë angazhuar për te gjetur drejtuesin e mjetit.

Dëmi në transformator është i madh dhe do të kërkoje disa orë punë për tu riparuar. Sipas informacioneve, OSHEE po shqyrton mundësinë për vendosjen e një transformatori të ri.

Sakaq mësohet se fatmirësisht nuk ka pasur të lënduar në momentin e goditjes edhe pse transformatori ndodhet pranë banesave.

gijotina.com/