Rreth orës 15:40, në afërsi të fshatit Vërçun, Pogradec, ka ndodhur një aksident i rëndë.
Personi me inicialet K. G., rreth 45 vjeç, banues në fshatin Shqitas, Maliq, duke drejtuar mjetin tip “Ford”, dyshohet se ka humbur kontrollin e mjetit dhe ka dalë nga rruga duke rënë nga një lartësi prej 20 metrash.
Për pasojë janë dëmtuar pasagjarje Xh. H. rreth 30 vjeçe dhe pasagjeri M. H., 33 vjeç, banues në fshatin Çaushli, Maliq, si edhe drejtuesi i mjetit K. G., të cilët u transportuan në Spital dhe ndodhen nën kujdesin e mjekëve.
Mësohet se në gjendje të rëndë janë drejtuesi i mjetit dhe pasagjerja. Në vendngjarje ka mbërritur policia e cila po punon për sqarimin e rrethanave të ngjarjes.
