Pogradec/ Sherr me thika midis dy të miturve, 15 vjeçari përfundon në spital

Një konflikt me thika ka ndodhur mes dy të miturish në Pogradec, ku ka mbetur i plagosur një 15-vjeçar.

Sipas informacioneve, 15-vjeçari është paraqitur në urgjencën e spitalit Pogradec për ndihmë mjekësore, pasi është lënduar me thikë gjatë një sherri me një 13-vjeçar.

Policia bën me dije se ngjarja ka ndodhur mbrëmjen e sotme, ndërsa rreth orës 20:50 i lënduari ka shkuar në spital, i cili pasi ka marrë ndihme mjekësore është larguar për në banesë.

Ndërkohë është shoqëruar në komisariat 13-vjeçari, për sqarimin plotë të rrethanave të ngjarjes.