Shpërthen një bombol gazi në katin e pestë të një pallati në Pogradec. Ngjarja ka ndodhur pak minuta më parë në lagjen nr 5 ku fatmirësisht nuk ka të plagosur.
Në momentin e shpërthimit në banesë kanë qenë dy të moshuar të cilët kanë qenë duke konsumuar kafen e mëngjesit teksa bombola ka rrjedhur gaz e më pas ka shpërthyer.
Mësohet se si pasojë e shpërthimit janë shkaktuar dëme të shumta materiale ku dritarja e banesës nga kati i pestë ka fluturuar poshtë në tokë duke rrezikuar jetë njerëzish.
Kjo rrugë është një nga rrugët më të populluara dhe me numrin më të madh të qytetarëve gjatë orëve të mëngjesit. Policia dhe zjarrfikësit në vendngjarje për hetimet përkatëse.
Discussion about this post