Pogradecarët në ‘hall’, burrat po rrihen nga gratë

Jemi mësuar të dëgjojmë shpesh në lajme se gratë dhunohen masivisht nga burrat por në fakt nuk rezulton vetëm kështu.

Ka edhe burra që dhunohen vazhdimisht nga gratë e tyre si fizikisht edhe psikologjikisht.

Së fundmi duket se burrat e kanë lënë mënjanë krenarinë e tyre dhe kanë filluar të denoncojnë këtë dhunë, raporton Ora News.

Në Pogradec po ndodh një fenomen i tillë dhe kjo konfirmohet edhe nga Arbi Basho, Koordinator Vendor Kundër Dhunës në Familje dhe barazisë Gjinore.

Për vitin 2022-2023, në Pogradec janë 7 burra të pajisur me urdhra mbrojtje ndaj grave, por ende për ta nuk ka një zyrë këshillimi apo ndihme psikologjike, edhe pse strategjia ekziston.