Me hartohen e re gjyqësore qyteti i Pogradecit rrezikon të mbetet pa gjykatë dhe pa prokurori. Konkretisht, Gjykata e shkallës së parë në këtë qytet e cila bashkë me prokurorinë sipas hartës së re gjyqësore zhvendosen në Korçë. Në peticionin e firmosur avokatët rendisin 4 arsye kryesore se përse KLGJ nuk duhet të bëjë mbylljen e kësaj gjykate.
E para sipas tyre prishet ekuilibri i garantimit të aksesit në drejtësi bashkë me shërbimet duke mos garantuar barazinë e qytetarëve në marrjen e shërbimit dhe drejtësisë nga gjykatat sidomos për personat me aftësi të kufizuara apo vështirësi financiare.
Së dyti, ata sjellin si shembull Gjykatat Administrative të cilat rezultuan sipas tyre 1 dështim pasi sipas tyre gjykata të tilla tejkalonin afatet ligjore të përfundimit të gjykimeve duke kujtuar se duan 5-6 vjet për të marrë në shqyrtim një çështje. Prandaj edhe kalimi i çështjeve civile apo penale në një gjykatë të vetme në Korçë sipas tyre do të jetë një dështim total.
“Harta e re gjyqësore nuk mund të garantojë zbatimin e afateve ligjore në bazë të shpërndarjes së sistemit penticinar dhe largësisë së IEVP-ve nga Gjykatat pasi nuk mund të garantohet prania e personave në kohën e duhur në ambientet e Gjykatës dhe rezulton se harta e re gjyqësore rrit shpenzimet financiare dhe kostot e transportit.
Se katërti, kjo hartë ndikon drejtpërdrejtë tek organizimi i funksioneve të lira siç janë avokatët të cilët ose do të kufizohen në dhënien e shërbimeve ose do të dalin të papunë. Ata thonë se shërbimi i tyre apo konsulenca juridike do të rritet në tarifë duke rënduar qytetarët”, thuhet në letër.
Në përfundim ata thonë se mbyllja e Gjykatës së Pogradecit dhe zhvendosja e Apelit në Tiranë nuk ka asnjë pasojë pozitive për profesionin e avokatit dhe për më tepër shkel të drejtat e qytetarit të garantuar nga Kushtetuta dhe Konventat Ndërkombëtare të cilat vendi unë ka miratuar.
Discussion about this post