Një 25-vjeçar shqiptar është dënuar me burg nga Gjykata e Solingenit në Gjermani, pasi u shpall fajtor për përfshirje në trafikun e 120 kilogramëve kokainë.
Sipas hetimeve, i riu kishte përfituar rreth 2.6 milionë euro nga aktiviteti kriminal.
Ai ishte shpallur më herët në kërkim ndërkombëtar dhe u arrestua në Kroaci, teksa tentonte të kalonte kufirin. Pas disa muajsh qëndrimi në paraburgim në Kroaci, ai u transferua në mars të këtij viti në burgun e Ëuppertalit në Gjermani.
Në seancën gjyqësore, 25-vjeçari pranoi fajësinë dhe deklaroi se lëndën narkotike ia kishte shitur një tjetër shtetasi shqiptar që banonte në Solingen.
Hetimet zbuluan gjithashtu se ai përdorte një llogari në aplikacionin “Signal” me pseudonimin “Pokémon” për të komunikuar me persona të tjerë të përfshirë në rrjetin e drogës.
Prokuroria gjermane ka rënë dakord që pas kryerjes së gjysmës së dënimit, i dënuari të ekstradohet në Shqipëri. Vendimi përfundimtar pritet të shpallet më 31 tetor 2025.
Discussion about this post