Holanda shtypi Malin e Zi të shtunën me rezultatin 4-0, në takimin e vlefshëm për kualifikueset e Botërorit ‘Qatar 2022’.
Me këtë fitore “Tulipanët” ngjiten në vend të dytë me 10 pikë, vetëm një larg Turqisë, dueli që do të ndajë edhe se cila prej këtyre dy përfaqësueseve do të mund të presë direkt biletën.
Ndërsa ka folur për rezultatin e këtij takimi trajneri i Holandës, Louis van Gaal, i ka ulur shumë kundërshtarët, duke thënë se skuadrës së tij i mjaftuan vetëm dy stërvitje që të bënte ‘poker’ kundër ballkanasve.
“Gjithçka shkoi në mënyrë perfekte që në fillim. Me përjashtim të atij momenti kur Tyrell Malacia u dhuroi një top për gol rivalëve, pjesa tjetër e ndeshjes ishte perfekte, shumë e lehtë për ne. Dhe të mendosh që kishim bërë vetëm dy stërvitje përpara Malit të Zi, po aq edhe ndaj Norvegjisë dhe arritëm të marrim 4 pikë, përveçse të shënojmë 5 gola në dy takime. Por mbi të gjitha, mendoj se kjo fitore do të jetë shtysa e duhur për ne edhe në pritje të Turqisë”,- u shpreh tekniku 70-vjeçar./Gijotina.com
