Penallti e shënuar dhe një dëmtim. Kjo është ajo që i ndodhi futbollistit të Napolit, Kevin De Bruyne gjatë supersfidës së kësaj të shtune me Interin në ‘Maradona Stadium’.
Gjithcka ndodhi në minutën e 33 të sfidës, kur mesfushori belg ekzekutoi saktë një 11 metërsh shumë të kontestuar nga Interi pas një kontakti mes Di Lorenzos e Mkhitaryan, por teksa gjuajti penalltinë, De Bruyne pësoi një dëmtim muskular me trajnerin Conte që u detyrua të zëvendësojë mesfushorin i cili u largua nga fusha e lojës i ndihmuar nga shokët e skuadrës pasi e kishtë shumë të vështirë të ecte vetë. Në vendin e tij, hyri në fushën e lojës Oliveira.
Është kurioz fakti se, sipas DAZN, drejt pikës së bardhë për të ekzekutuar penalltinë shkoi Neres, por ishte vetë Antonio Conte që kërkoi që penalltinë ta gjuante Kevin De Bruyne
Megjithatë, vendimi për akordimin e penalltisë u shoqërua me polemika dhe një ndërprerje prej katër minutash, pas një episodi të diskutueshëm në zonën e zikaltrëve.
Gjithçka nisi në minutën e 29-të, kur pas një kombinimi të bukur me Anguissa-n, Di Lorenzo hyri në zonën e Interit dhe u përplas me Mkhitaryan, i cili e mbajti lehtë nga pas, duke shkaktuar një kontakt minimal. Kapiteni i Napolit u rrëzua, ndërsa Acerbi u hodh përpara tij për të ndërprerë aksionin. Loja vazhdoi për rreth tetë sekonda, para se gjyqtari Mariani të fishkëllente dhe të tregonte pikën e bardhë.
gijotina.com/
Discussion about this post