Analisti dhe gazetari Poli Hoxha, teksa komentoi akuzat e reja ndaj Belinda Ballukut tha se hetimet ndaj ish-zv. kryeministres janë shtrirë edhe jashtë vendit.
Në një lidhje për News24, ai tha se SPAK duhet të dërgojë një kërkesë të dytë për arrestimin e Ballukut, sepse ka prova të reja.
“Drejtuesi i SPAK, Klodian Braho, është më racional, sepse do që të çojë hetimet deri në fund, të ketë prova për akuzat që bën, që nuk është e lehtë, sepse institucionet nuk bashkëpunojnë. Për Ballukun, hetimi është shtrirë dhe jashtë vendit, sepse rasti është kompleks dhe kjo kërkon kohë.
Unë pres që SPAK të dërgojë kërkesë të dytë për arrestimin e Ballukut, sepse kanë prova të reja. Të dërgojë kërkesë me gjetjet e reja, sepse akuzat janë shumë të rënda.
Ka gjetje që nuk i ka SPAK herën e parë, që janë tepër skandaloze. Ose nëse kanë aq forcë, ta anashkalojnë parlamentin dhe ta arrestojnë në flagrancë. Protesta i ka hequr legjitimitetin Edi Ramës”, tha gazetari Poli Hoxha.
Discussion about this post