Një 25-vjeçare shqiptare, identiteti i të cilës ende nuk bëhet me dije ka rënë në prangat e karabinierëve italianë. E reja, është surprizuar gjatë kthimit nga pushimet në Shqipëri për në Itali. Ajo është arrestuar në portin e Ankonës, ndërsa gjykata më pas e la në “arrest shtëpie”.
25-vjeçarja nga Umbertide, në provincën e Perugias, ishte nën hetim me bashkëshortin dhe 4 persona të tjerë.Çifti i shqiptarëve, megjithatë, për t’i shpëtuar dispozitës së gjyqtarëve, ishin larguar përsëri në vendlindje.
Më pas kundër burrit të gruas u lëshua një urdhër-arresti europian, pas të cilit 26-vjeçari u ekstradua më 28 korrik në Itali dhe përfundoi në qelitë e burgut të Capanne-s.
Ndërkohë, sa i përket partneres së tij, 25-vjeçarja është arrestuar nga agjentët e Komisariatit të Tifernate, të ndihmuar nga efektivët e Skuadrës Lëvizëse të Komisariatit të Policisë së Ankonës.
Pasi kanë identifikuar gruan dhe kanë kryer formalitetet në port ata e kanë shoqëruar në banesën e saj në Umbertide për zbatimin e masës së sigurimit arrest shtëpie.
Ndaj saj ka nisur edhe procedura me qëllim aplikimin urgjent të byzylykut elektronik.
Discussion about this post