Polici aksidenton 11 vjeçarin në Kukës, i mituri dërgohet në spital

Një aksident është shënuar paraditen e së enjtes në aksin rrugor “Bucaj-Kukës”, ku një polic 26 vjeçar ka aksidentuar një 11 vjeçar, i cili ndodhet në spital jashtë rrezikut për jetën.

Sipas policisë, 26 vjeçari ka qenë jashtë orarit të shërbimit, kur duke drejtuar automjetin e tij, ka kapur me pasqyrë të miturin.

Njoftimi

Paraditen e sotme, në aksin rrugor “Bucaj-Kukës”, shtetasi K. C., 26 vjeç, (punonjës policie në Komisariatin e Policisë Kukës, jashtë orarit të shërbimit), duke drejtuar automjetin e tij, ka kapur me pasqyrën e automjetit, një 11-vjeçar, i cili po merr mjekim në spital dhe është jashtë rrezikut për jetën.

Veprimet procedurale po kryhen nga Drejtoria Rajonale e Agjencisë së Mbikëqyrjes Policore Kukës-Dibër dhe Prokuroria, për sqarimin e rrethanave të aksidentit.