Nuk kanë fund rastet ku shqiptarët fyen dhe bullizohen në shtetet e huaja për shkak të origjinës. Një video e një polici gjerman, i cili lëshon fyerje raciste ndaj një shqiptari, po bën xhiron e rrjetit. Lajmi ka shkaktuar shumë bujë në mediat e Gjermanisë.
Sipas gazetës BILD, autoritetet kanë nisur një hetim ndaj policit në fjalë. Videoja është xhiruar nga personi i abuzuar. “Ma hiq këtë celular m…,” thotë polici me uniformë. Pasi personi kundërshton, ai reagon sërish.
“Ik zhduku. Më mirë ik se do e harroj. Ik, kthehu te ai vendi yt i derrave”, thotë polici.
Video e policit 34-vjeçar u hodh fillimisht në YouTube, por kaloi pa zhurmë. Kur video u ripostua në TikTok, ajo u bë virale.
Mediat gjermane shkruajnë se shqiptari nuk ka ngritur një padi, por autoritetet i kanë bërë thirrje që ta bëjë diçka të tillë. Edhe pse shqiptari mendohet se ishte problematik, policia thotë se një sjellje e tillë nga uniformat blu është plotësisht e papranueshme. “Edhe në situatat më të vështira, ne duhet të ruajmë qetësinë,” tha një zëdhënës i policisë.
Discussion about this post