Nevis Ibrahimi, polici që tentoi të fuste një sasi lënde narkotike në burgun e Drenovës nuk ka pranuar të flasë, teksa është marrë në pyetje nga policia lidhur me rastin.
Ai nuk ka treguar asgjë për drogën që u gjet në trupin e tij gjatë kontrollit e cila mësohet se ishte rreth 30 gram. Efektivi nuk ka treguar as emra, se kujt do i dërgohej droga.
Çfarë ndodhi sot
Nevis Ibrahimi polici i cili kryente shërbim në regjimin e brendshëm të Burgut të Drenovës është ndaluar sot nga policia.
Ai ka tentuar të fuste drogë në burg, duke shfrytëzuar fluksin e vizitave të së dielës dhe policët kontrollojnë familjarët që kalojnë për të takuar të burgosurit.
Ibrahimi ka shfaqur veprim të dyshimta, duke tërhequr vëmendjen e kolegëve të tij.
Këta të fundit e kanë futur për kontroll në një dhomë të veçantë, ku në trup i është gjetur i fshehur një sasi kanabis sativë e mbështjellë më një copë të bardhë, përkatësisht në të mbathura.
Discussion about this post