Amarildo Kureta, efektiv i Forcave Operacionale Berat, u arrestua nga autoritetet greke, sapo kaloi pikën e kalimit kufitar, ndërsa ishte duke shkuar me pushime në Greqi.
Por, ministri i Brendshëm Taulant Balla në një reagim të tij, pas publikimit të lajmit për arrestimin e Kuretës, bën të ditur se ai ishte përjashtuar nga rradhët e Policisë së Shtetit që në datën 2 gusht.
Në anën tjetër raportohet se Kureta kishte marrë lejen, kundrejt rregullave të Policisë së Shtetit, dhe se për të nuk ka pasur asnjë njoftim nga Interpoli se ishte person “i shpallur në kërkim” për trafik droge.
Kureta ishte shpallur në kërkim nga shteti italian, ku akuzohet për trafik droge, pas hetimeve disa vjeçare dhe kriptimeve të bisedave telefonike mes efektivit dhe një rrjeti të strukturuar krimi në fushën e narkotikëve.
Discussion about this post