Pasi efektivi i Policisë Rrugore të Tiranës Florenc Bicerri u arrestua në Turqi për drogë, është përjashtuar përgjithmonë nga rradhët e uniformave blu. Vendimi është marrë nga drejtori i Përgjithshëm i Policisë së Shtetit, Muhamet Rrumbullaku. Kujtojmë se Bicerri u arrestua së bashku me dy shqiptarë të tjerë, me një sasi të konsiderueshme droge. Bicerri është përjashtuar përgjithmonë nga Policia e Shtetit teksa vijojnë hetimet për rastin.
Njoftimi:
Në lidhje me një rast të trafikimit të lëndëve narkotike, të goditur nga autoritetet turke ju sqarojmë se:
Policia e Shtetit, në bashkëpunim me homologët turq, në lidhje me një rast trafikimi të lëndëve narkotike, në të cilin janë të përfshirë 3 shtetas shqiptarë, njëri prej tyre punonjës policie, ka ngritur një grup të dedikuar hetimor, për hetimin e rastit.
Sqarojmë se punonjësi i Komisariatit të Policisë Rrugore Tiranë, shtetasi Florenc Bicerri, tashmë i arrestuar në Turqi, ka dalë nga Shqipëria, nëpërmjet Rinasit, më datë 05.10.2022.
Për këtë punonjës policie, Drejtori i Përgjithshëm i Policisë së Shtetit ka urdhëruar përjashtimin e menjëhershëm dhe përgjithmonë, nga Policia e Shtetit.
Ndërkohë, grupi i dedikuar hetimor, në bashkëpunim me Agjencinë e Mbikëqyrjes Policore dhe me homologët turq, po vijon punën për zbardhjen e rrethaneve të rastit, evidentimin dhe kapjen e personave të tjerë të implikuar në këtë rast të trafikimit të lëndëve narkotike.
Discussion about this post