Policia njofton se një efektiv punonjësi i Stacionit të Policisë Kufitare Qafë-Thanë, ka aksidentuar në aksin Korçë – Pogradec, shtetasin Dylber Dervishii, 78 vjeç.
Sipas policisë, i aksidentuari është dërguar me urgjencë në spital, ku është jashtë rrezikut për jetën.
Njoftimi i policisë:
Maliq/Informacion paraprak
Më datë 06.05.2021, rreth orës 09:40, në aksin rrugor Korçë-Pogradec, pranë fshatit Zvirinë, Maliq, punonjësi i Stacionit të Policisë Kufitare Qafë-Thanë, shtetasi Sali Nezha, duke drejtuar automjetin e policisë tip “Dacia”, ka aksidentuar këmbësorin Dylber Dervishi, rreth 78 vjeç, banues në fshatin Zvirinë, i cili u dërgua në Spitalin e Korçës, ku ndodhet jashtë rrezikut për jetën.
Grupi hetimor në vendngjarje, po punon për zbardhjen e plotë të rrethanave të aksidentit.
Shërbimi për Çështjet e Brendshme dhe Ankesat, nën drejtimin e Prokurorisë Korçë, po kryejnë veprimet e mëtejshme proceduriale me drejtuesin e mjetit.
