Një efektiv policie është dhunuar mbrëmjen e sotme në qytetin e Fushë-Krujës, teksa ishte jashtë shërbimit. Ngjarja ka ndodhur në momentin kur ai po parkonte automjetin e tij.
Sipas dëshmisë së dhënë për hetuesit, efektivi deklaroi se e njeh autorin e ngjarjes dhe se më herët ka pasur një konflikt me të. Menjëherë pas denoncimit, policia ka shpallur autorin në kërkim dhe ka nisur punën për identifikimin dhe kapjen e tij.
Ngjarja ka shkaktuar shqetësim në komunitet, ndërsa autoritetet kanë bërë të ditur se dhuna ndaj punonjësve të rendit, edhe kur janë jashtë detyrës, nuk do të tolerohet. Hetimet për rastin vijojnë.
Discussion about this post