Gazetari Andi Bushati, i ftuar në emisionin “Të Paekspozuarit” në MCN TV, ka folur për ngjarjen tragjike, ku Azbi Spahiu, një polic i qarkullimit rrugor u hodh nga lartësia.
Bushati tha se është kriminale nëse policit i është bërë presion pas ndalimit të djalit të Samir Manes.
Pjesë nga biseda:
Andi Bushati: Ka dy probleme këtu. E para, djali i një biznesmeni të fuqishëm, njeri me shumë pushtet në politikë dhe media, përfshihet në një incident dhe ai tentohet të mbyllet. Këtu pavarësisht se duhet ta dënojmë me të gjithë forcën, kjo është një praktikë normale në Shqipëri, që për gjëra të tilla të fshehet e vërteta. Problemi fillon, jo tek fshehja e të vërtetës dhe mbrojtja e personit, por te hipoteza e hedhur, që është ushtruar presion mbi policin dhe si rezultat i presion ka shkuar drejt atij akti ekstrem. Në këtë version, ju (Lala) thatë një element kyç. Thatë që polici i ka dërguar mesazhe familjarëve, që mua po më bëjnë presion për të më shkatërruar karrierën. Kjo pikë mund të zbërthejë shumë. Cfarë janë këto mesazhe dhe a lidhen me incidentin?
Klodiana Lala: Nuk e lidh dot shkak/pasojë. Kam të drejtë të dyshoj, janë dërguar këto mesazhe. Çfarë bën prokuroria?
Andi Bushati: Në mesazhe polici është i qartë?
Klodiana Lala: Ndaj ka nevojë për hetim. Azbiu në gjendje presioni i dërgoi të birit disa mesazhe. Prokuroria nuk ka vullnet të hetojë.
Andi Bushati: Çfarë janë mesazhet?
Klodiana Lala: Mesazhet thuhet po më shkatërrojnë karrierën nga lojërat brenda policisë, duke u nisur nga rasti i fundit.
Andi Bushati: Pra kemi një dëshmi që thotë po penalizohem se kam qenë aty.
Klodiana Lala: Martin Mane është i ri dhe ka të drejtë të jetojë jetën e vet. Mua më shqetëson mënyra se si insitucionet reagojnë dhe veprojnë për të fshehur histori dhe ngjarje.
Andi Bushati: Ti ke ngelur mohikani i fundit që beson te institucionet. Jo djali Zamir Manes, por edhe ne po na ndodhi prokuroria do të bëjë një përkëdhelje. Këtu kriminale është, nëse atij policit i është bërë presion për ta mbyllur gjënë. Prandaj ai mesazhi që ti thua është pika e kthesës për të hetuar çështjen.
Discussion about this post