Policia aksion blic në Elbasan, shoqërohen disa persona

Policia e Elbasanit ka vijuar kontrolle të shumta mbrëmjen e sotme si dhe ka ngritur disa postblloqe.

Burimet bëjnë me dije se bëhet fjalë për një aksion i cili ka si synim ndalimin e personave me precedentë kriminal. Këtu përfshihen ata që janë në kërkim, persona që kanë thyer masat e sigurisë apo të dyshuar të ngjarjeve kriminale në qytet.

Deri më tani thuhet se janë shoqëruar disa persona në komisariat.
Aksioni është ndërmarrë nga Drejtoria Vendore e Policisë Elbasan dhe po kontrollohen zonat kryesore të qytetit në të cilat mund të fshihen njerëzit e lidhur me krimin. Të pranishëm në aksion gjithashtu forcat “Shqiponja” dhe efektivë të krimeve të rënda.