Policia e Lezhës vijon punën për parandalimin dhe goditjen e paligjshmërisë, ku gjatë një aksioni të fundit ka arrestuar tre persona, njëri prej tyre i shpallur në kërkim.
Në pranga kanë rënë shtetasit Alfred Gjoni, në kerkim policor për vepren penale “Vjedhja”, shtetasi Rudolf Rexhepi, i akuzuar për veprën penale “Dhuna në familje”, si dhe shtetasi Vladimir Lala, për veprën penale “Drejtim mjeti në mënyrë të parregullt/gjëndje të dehur”.
Njoftimi i policisë:
-Shërbimet e Policisë Kurbin, në vijim të punës për kapjen e personave në kërkim dhe vënien e tyre para përgjegjësisë penale, mbi bazën e informacioneve të siguruara në rrugë operative, bënë të mundur lokalizimin, kapjen dhe ndalimin e shtetasit:
-A. Gj., 44 vjeç, banues në Kurbin, i shpallur në kërkim policor, pasi dyshohet të këtë vjedhur disa vegla punë në firmën ku ishte punësuar.
-Nga specialistët për Hetimin e Krimit në Komisariatin e Policisë Kurbin u bë arrestimi në flagrancë i shtetasit R. R., 32 vjeç, banues në Kurbin, pasi ka ushtruar dhunë fizike ndaj vëllait të tij.
-Gjithashtu, nga specialistët e Qarkullimit Rrugor është arrestuar në flagrancë shtetasi V. L., 47 vjeç, banues në Lezhë, pasi është kapur nga shërbimet e Policisë, duke drejtuar mjetin tip “Volkswagen” në gjendje të dehur, në masën 1.03 mg/l.
Materialet hetimore i kaluan Prokurorisë së Rrethit Gjyqësor Lezhë dhe Prokurorisë së Rrethit Gjyqësor Kurbin, për veprime të mëtejshme.
