Policia aksion blic në Burrel, kontrolle për armë e persona në kërkim

Policia po bën kontrolle të befta në Burrel. Mësohet se aksioni është përqendruar për të kapur persona në kërkim si dhe armë pa leje.

Mësohet se janë shoqëruar disa persona. Aksioni u ndërmor nga Operacionalja dhe Shqiponjat e Drejtorisë së Policisë Dibër. Në sitën e policisë janë vendosur makina e lokale.

Njoftimi i policisë:

Kontrolle të befasishme mbështetur me inteligjencë informative, për goditjen e paligjshmërisë, kapjen e personave në kërkim, të atyre që qarkullojnë me armë zjarri apo shpërndajnë lëndë narkotike.

Kontrollet nga forcat Operacionale dhe forca e Posaçme “Shqiponja” të Drejtorisë Vendore të Policisë Dibër, mbështetur dhe nga shërbimet e Komisariateve të Policisë Mat dhe Bulqizë.

Kontrolle po ushtrohen në lokale ku dyshohet se ushtrohet veprimtari e kundraligjshme e lojrave të fatit, që frekuentohen nga persona që janë në kërkim apo shpërndajnë lëndë narkotike e mbajnë armë zjarri.

Kontrollet e befasishme në gjithë qarkun nga shërbimet operacionale dhe të rendit, si dhe monitorimi i akseve rrugore nga Policia Rrugore, vijojnë, me qëllim goditjen e paligjshmërive dhe rritjen e parametrave të sigurisë publike dhe asaj rrugore.