Policia arreston 19-vjeçarin, dhunon familjen dhe kërcënon me thikë nënën

Policia e Tropojës ka arrestuar një të ri pasi akuzohet për dhunë në familje.

Një 19-vjeçar u arrestua pasi dhunoi familjarët dhe kanosi me mjet prerës (thikë), nënën e tij.

Gjithashtu, i riu dyshohet se i vodhi celularin njërit prej familjarëve.

“Shërbimet e Komisariatit të Policisë Tropojë, pas marrjes së njoftimit se fshatin Shoshan, po ndodhte një konflikt në familje, menjëherë kanë organizuar punën dhe kanë shkuar në adresën e dhënë ku kanë kapur dhe vënë në pranga shtetasin 19 vjeç, banues në fshatin Shoshan”, njofton policia.

Gjatë kontrollit fizik, shërbimet e Policisë i gjetën 19-vjeçarit, 2 mjete prerëse (thika) dhe celularin e vjedhur.