Policia arrestoi dy persona, të cilët dyshohet se kanë kryer 4 vjedhje në kohë të ndryshme. Sipas informacioneve zyrtare, Policia e Vlorës finalizoi operacionin e koduar “Shatai”, duke arrestuar shtetasit Besnik Kushtaj, 43 vjeç dhe Lionel Konomi, 26 vjeç, të banues në fshatin Dukat i Vjetër, Orikum.
Nga veprimet hetimore dyshohet se këta shtetas, në bashkëpunim me njëri-tjetrin, kanë kryer 4 vjedhje të ndryshme, konkretisht:
-më datë 07.09.2023, dyshohet se kanë vjedhur pajisje pune në një lokal, në rrugën nacionale Llogara-Orikum;
-më datë 15.05.2023, dyshohet se kanë vjedhur sende me vlerë dhe aksesorë të ndryshëm, brenda në automjeti rulot me targa gjermane, në aksin rrugor Llogara-Orikum;
-më datë 02.05.2023, dyshohet se kanë vjedhur bizhuteri floriri dhe sende me vlerë, në një banesë në fshatin Dukat;
-më datë 02.03.2023, dyshohet se kanë vjedhur pajisje elektroshtëpiake në një banesë në fshatin Dukat.
Materialet procedurale i kaluan Prokurorisë, për veprime të mëtejshme, për veprën penale “Vjedhja”, kryer në bashkëpunim.
Discussion about this post