Inter fiton, por problemet jashtë fushë nuk kanë të sosur. Pas debati mes Contes dhe Lautaros, telashe të tjera lindin nga klubi zikaltër.
Pas fitores 3-1 ndaj Romës, Romelu Lukaku ka vendosur të prenotojë një nga hotelet e Milanos dhe të festojë ditëlindjen e tij të 28, i shoqëruar nga shokë dhe njerëz të tjerë të afërt.
Në festë kanë qenë rreth 25 persona, duke qëndruar deri në orët e para të mëngjesit dhe kjo është e paligjshme për shkak të masave të marra kundër përhapjes së Covid-19.
Policia e Milanos ka ndërhyrë dhe ka bërë një operacion në hotelin ku ishte vendosur Lukaku, duke ndërprerë festën dhe gjobitur pjesëmarrësit.
Në festë ishin edhe lojtarë të tjerë të Interit, teksa për momentin kanë dalë emrat e Hakimi, Young dhe Perisic. Me siguri leja nga klubi mungon dhe nuk mund të mungojë penalizimi nga klubi.
