Policia bastis zyrat e PS-së në Kavajë, dyshohej se kishte lojëra fati

Policia ka kryer kontrolle në zyrat e Partisë Socialiste në qytetin e Kavajës.

Mësohet se ditën e djeshme rreth orës 11:00 policia ka kryer kontrolle në zyrën e PS në Kavajë pasi kishte informacione se aty ushtrohej aktiviteti i paligjshëm i lojërave të fatit.

Kontrollet, pas informacioneve të marra në rrugë operative nga policia janë bërë pasi dyshohej se në zyrën e PS mund të kishte pajisje të lojërave të fatit.

Nga kontrolli i kryer i cili ka zgjatur rreth 30 minuta, Policia nuk ka gjetur pajisje të paligjshme të lojërave të fatit dhe pasi ka kryer kontrollin është larguar. Kur është bërë kontrolli nga policia në zyrën e PS ka qenë kryetari dhe disa anëtarë të strukturave.