Policia e Shtetit ka bërë kërdinë javën që lamë pas me arrestime, ndërsa ka gjurmuar dhe goditur grupet kriminale. Ditën e sotme policia ka publikuar bilancin javor ku njofton se janë arrestuar 181 persona, 62 janë proceduar penalisht dhe 33 janë shpallur në kërkim. Sipas njoftimit të policisë janë zhvilluar 33 operacione ku janë kapur në total 43 persona në kërkim, 31 në kërkim kombëtar dhe 12 në kërkim ndërkombëtar.
“Gjatë kësaj jave janë arrestuar, proceduar dhe shpallur në kërkim 576 persona, nga këta: 181 janë arrestuar, 362 janë proceduar penalisht dhe 33 janë shpallur në kërkim. Janë kapur në total 43 persona në kërkim, nga këta: 31 në kërkim kombëtar dhe 12 në kërkim ndërkombëtar”, thuhet në njoftim.
Sipas të dhënave të publikuara, janë zhvilluar 33 operacione policore të koduara: “The last”, “Money scam”, “Zall-Herr”, “Paskuqani”, “Pacienti”, “Rada”, “Dark”, “Yrsheku”, “Vila”, “Bills”, “Trick”, “Unaza”, “Bergamo”, “Grand Tour”, “Basti i fundit” (2 raste), “Informaliteti”, “Green Forest”, “Restart 6”, “Dimal”, “Stacioni”, “Premtimi”, “Unexpected”, “Compass”, “Road guard 12”, “Attempt”, “Call me 3”, “Thumana”, “Fati i lojërave”, “Identiteti”, “Nightëalker”, “Triple” dhe “Five”.
Kështu, në kuadër të këtyre operacioneve në sekuestruar rreth 80 kg cannabis, dhjetëra doza cannabis, rreth 1 kg heroinë, sasi kokaine, 12 automjete, 12 celularë, 6 makineri për lojëra fati, shuma të konsiderueshme parash, euro të dyshuara të falsifikuara dhe mallra kontrabandë. Gjithashtu, janë parandaluar 1 ngjarje kriminale, janë goditur 13 raste të kundërshtimit të punonjësve të Policisë dhe janë ndjekur ligjërisht 53 raste të dhunës në familje.
Discussion about this post