Forca të shumta policore janë angazhuar në një operacion të gjerë në Fier, ndërsa postoblloqe të shumta janë ngritur në akset kryesore dhe pikat hyrëse dhe dalëse.
Nga raportimet mësohet se në mbështetje të policisë locale janë angazhuar edhe forcat e FNSH-së, që po ushtrojnë kontrolle në automjetet luksoze dhe ato me xhama të zinj, por edhe në disa nga lokalet apo mjediset që frekuentohen kryesisht nga të rinjtë.
E ndërsa në focus janë personat me precedent kriminalë apo ato të shpallur në kërkim, një tjetër objektiv janë edhe shpërndarësit e lëndëve narkotike në qytet.
Mësohet se gjatë ditëve të fundit policia ka mbledhur informacione mbi rrjetet e shpërndarësve të narkotikëve.
Ende nuk ka të dhëna lidhur me personat e shoqëruar nga policia, ndërsa nga raportimet mësohet se pothuajse të gjithë personat që ndalohen, i nënshtrohen kontrollit trupor.
Operacione të ngjashme janë zhvilluar ditët e fundit edhe në Vlorë, Shkodër e Durrës.
Discussion about this post