Komuniteti i bizneseve në zonën Maminas – Sukth ka nisur protestat kundër mbylljes se hyrje daljeve në autostradë nga Maminasi në Durrës. Përmes një prononcimi për mediet ata shprehen se ndërprerjet po bëhen pa paralajmërim dhe po iu dëmton atyre aktivitet tregtare. “Ose të bëhet rrugë dytësore nga Vora deri tek Ura e Dajlanit, ose të përcaktohen parametrat e hyrje-daljeve sipas standardeve rrugore dhe t’i lihet kohë biznesit për t’i rregulluar”, tha njëri prej tyre.
Polici Rrugore ka nisur që nga data 1 dhjetor mbylljen e hyrje – daljeve të paligjshme në autostradën Tiranë- Durrës. Inspektorati Kombëtar për Mbrojtjen e Territorit në bashkëpunim me ARRSH dhe Policinë e Shtetit do të mbyllin 1300 hyrje-dalje të paligjshme në rrugët nacionale. Vetëm në autostradën Tiranë-Durrës janë afro 300 hyrje-dalje të rrezikshme. Sipas Autoritetit Rrugor Shqiptar, hyrje-daljet në rrugë cenojnë sigurinë rrugore.
Përveç hyrje-daljeve në rrugë të krijuara nga subjektet, në mjaft raste ato janë hapur nga banorët e zonës. Në këtë rast do të jetë ARRSH e cila do të projektojë hyrje-daljet sipas standardeve rrugore ose një rrugë dytësore për banorët.
Discussion about this post