Grabitja e cila ndodhi mëngjesin e sotëm në Malësinë e Madhe, në fshatin Boris.
Detaje të reja kanë dalë në lidhje me këtë grabitje që tronditi Malësinë e Madhe. Sipas burimeve të Gijotina.com, policia jep versionin për vjedhje të një shume parash nga dy persona në Malësi të Madhe.
Duke iu referuar këtyre burimeve, deklarohet se autorët nuk kanë qenë as të armatosur dhe as të maskuar.
Nga ana tjetër, bashkëshortja e Ndoc Ulajt shprehet se gjithçka ishte një grabitje me armë.
Ajo është shprehur jashtë kamerave se dy persona kanë hyre natën në shtëpi, fillimisht ata kanë shkuar në dhomat e fëmijëve dhe kanë marrë telefonat dhe më pas u kanë drejtuar armën.
Fëmijët mësohet të kenë thënë “mos i bëni gjë babait“, por grabitësit janë përgjigjur duke thënë se ishin policë.
Grabitësit nën kërcënimin e armës kanë arritur të marrin një shumë parash dhe telefonat e fëmijëve e më pas janë larguar në këmbë. Lidhur me këtë ngjarje kanë nisur hetimet për të sqaruar të gjitha rrethanat e saj.
Akoma nuk ka një reagim zyrtar nga ana e policisë së Shkodrës, ndërkohë që ngjarja ka ndodhur pak pas mesnatës.
.
