Pas rastit të dhunës së policisë ndaj një qytetari, rast ky i publikuar nga SYRI TV, ka reaguar edhe ish- ministri i Drejtësisë Ylli Manjani.
Përmes një postimi në Facebook, Manjani ka shkruan se drejtësia penale është një drejtësi bolshevike, ku nëse nuk i paraqet kartën e identitetit policit, ai ka të drejtën të të dhunojë barbarisht, e në rast se ndodh e kundërta, të shoqërojnë në qeli.
“Nëse nuk ke apo paraqet kartën e identitetit policit rrihesh barbarisht!!! Maksimumi i drejtësisë që jepet në tilla raste është një deklaratë e policisë që “tejkalimi i dhunës po hetohet”.!!! Ndoshta edhe ndonjë masë administrative. Ama po të provosh ti kërkosh identitetin policit, të rrasin direkt brenda dhe me akuzë direkte “kundërshtim i punonjësit të policisë”!!! Pra për policin punon drejtësia penale, për individin jo!!! E më thonë pastaj pse e quaj drejtësinë penale bolshevike”, shkruan Manjani.
Ish-ministri nuk harron të përmendë as qëndrimin e opozitës, të cilën e konsideron si levë të partisë në pushtet.
Amarildo Hoxha, është qytetari i dhunuar një ditë më parë nga efektivët e komisariatit të Lushnjes, për shkak se refuzoi të ndalonte një video live që po bënte në rrjetet sociale.
