Policia e Durrësit kërkon ndihmën e qytetarëve, gjen në rrugë 30-vjeçarin

Një 30-vjeçar është gjetur në rrugë nga patrulla e shërbimit në Durrës. Ai është dërguar më pas në komisariat, ku ka deklaruar se nuk mban mend as emrin apo adresën. Policia e qytetit bregdetar kërkon ndihmën e qytetarëve për identifikimin e personit apo dhe për të njoftuar familjarët mbi gjendjen e tij, pasi ai nuk mban mend as emrin dhe as adresën.

Uniformat blu kanë vënë në dispozicion edhe numrin e telefonit për të gjithë qytetrët që kanë një informacion.

Njoftimi i policisë:

Në ambientet e Komisariatit të Policisë Durrës, ndodhet një shtetas që nuk mban mend emrin dhe adresën e banimit, i cili është gjetur në rrugë, gjatë patrullimit nga shërbimet e Patrullës së Përgjithshme.

Ky shtetas është i moshës rreth 30 vjeç, i gjatë rreth 1.60 cm dhe mban të veshura xhup ngjyrë vishnje dhe tuta blu.

Familjarët ose të njohurit e këtij shtetasi mund të paraqiten në ambientet e Komisariatit të Policisë Durrës ose të telefonojnë në numrin 112.