Policia e Elbasanit ka konfirmuar arrestimin e dhëndrit të ish-kryebashkiakut të ndjerë Qazim Sejdini, i cili akuzohet se ka kërcënuar një efektiv policie.
Në pranga është vënë shtetasi Orel alias Aurel Mehja, 50 vjeç, banues në Elbasan, i cili akuzohet për veprën penale “Kanosja për shkak të detyrës”.
Autoritetet raportojnë se Orel (Auel) Mehja ka kërcënuar efektivin, pasi nuk e la të kalonte me automjet, në një rrugë në të cilën ishte e ndaluar lëvizja, për shkak se po zhvillohej aktiviteti “Dita e Verës ” në Çiklizëm. Ngjarja ka ndodhur më 16 Mars.
Njoftimi i policise
Specialistët për Hetimin e Krimeve të Komisariatit të Policisë Elbasan ekzekutuan urdhrin e datës 20.03.2025, të Prokurorisë së Elbasanit, për ndalimin e shtetasit O. M., 50 vjeç, banues në Elbasan, për veprën penale “Kanosja për shkak të detyrës”. Më datë 16.03.2025, ky shtetas dyshohet se ka kanosur për shkak të detyrës një punonjës policie, i cili në zbatim të planit të masave për mbarëvajtjen e një aktiviteti sportiv, nuk e ka lejuar që të kalojë me automjet në një rrugë në të cilën ishte e ndaluar lëvizja. Materialet procedurale iu referuan Prokurorisë, për veprime të mëtejshme.
Discussion about this post