Gjashtë persona kanë rënë në prangat e policisë së Fierit të dënuar për vepra të ndryshme penale.
Sipas policisë në pranga ka rënë 29 vjeçari Mario Ardita, i shpallur në kërkim pasi kishte kanosur një shtetase për dhënien e pasurisë.
I arrestuar është edhe 41 vjeçari Eltjon Daka, i cili ka dhunuar fëmijët e mitur të bashkëjetueses së tij.
Gjithashtu të arrestuar për drejtim mjeti në gjendje të dehur janë shtetasit Lulëzim Rexhepi, Kamber Marra, Gazmend Isufaj dhe Leonard Alçani.
Njoftimi i plotë:
Vihen në prangat e Policisë 7 shtetas për vepra të ndyshme penale.
Specialistët e Sektorit të Krimeve të Rënda në DVP Fier ndaluan shtetasin e shpallur në kërkim M. A., 29 vjeç, banues në Panahor, Mallakastër, pasi Gjykata e Shkallës së Parë Fier me vendimin e datës 06.07.2021 ka caktuar masën e sigurisë “Arrest me burg” për veprën penale “Shtrëngimi me anë të kanosjes ose dhunë për dhënie pasurie”, pasi ka kanosur një shtetase për dhënie pasurie.
Fier/Specialistët për Hetimin e Krimeve në Komisariatin e Policisë Fier arrestuan shtetasin E. D., 41 vjeç, banues në Fier pasi ka ushtruar dhunë ndaj fëmijëve të mitur të bashkëjetueses së tij, 14 dhe 16 vjeç.
Specialistët e Sektorit të Qarkullimit Rrugor në DVP Fier arrestuan në flagrancë shtetasit L. R., 57 vjeç, K. M., 63 vjeç, G. I., 47 vjeç dhe L. A., 26 vjeç, të katërt banues në Lushnjë, pasi janë kapur nga shërbimet e Policisë Rrugore duke drejtuar automjetet e tyre në gjendje të dehur.
Materialet i kaluan Prokuorisë, për veprime të mëtejshme.
