Policia e Kosovës dhe EULEX-i, ditën e sotme në kampin “Vrella” mbajtën një ushtrim fushor i cili u përcoll nga afër, nga zyrtarë të lartë shtetërorë, kryesuesi i misionit të EULEX-it Lars Gunnar Wigemark si dhe përfaqësues nga KFOR-i të cilët ishin në cilësi të vëzhgueseve.
Në njoftimin e Policisë së Kosovës bëhet me dije se kanë demonstruar aftësitë dhe shkathtësitë e tyre profesionale në rast që të jenë gati për të përballuar situata të ndryshme në rang vendi.
“Përmes këtij ushtrimi fushor të quajtur “Veprimi i shpejtë”, Policia e Kosovës me zyrtarët e saj të njësiteve speciale dhe të rendit publik dhe ato të njësiteve speciale nga EULEX-i, demonstruan aftësitë dhe shkathtësitë e tyre profesionale, në bashkërendim dhe komunikim të ndërsjellë, në rast të intervenimit dhe menaxhimit me situata të ndryshme në nivel vendi”.
Nga ana tjetër, ushtrimet e përbashkëta kanë qëllim ruajtjen e rendit publik, ofrimet e sigurisë ndaj vendit si dhe çdo qytetari pa dallime race a feje.
Mes të tjerash, në këtë njoftim bëhet me dije se është vlerësuar si mjaft profesional ky angazhim i njësiteve policore.
“Policia e Kosovës dhe EULEX-i kanë kapacitete dhe janë të gatshme në reagime dhe veprime policore në situata të ndryshme të menaxhimit me turma, e ku synimi i përbashkët është ruajtja e rendit dhe sigurisë publike”.
Discussion about this post