Policia e Kosovës ka filluar sot patrullimin e rregullt të vijës kufitare mes Republikës së Kosovës dhe Serbisë, si dhe gjithë hapësirës së Liqenit të Ujmanit. Lajmin e ka bërë të ditur ditën e sotme, ministri i Punëve të Brendshme, Xhelal Sveçla.
Në një postim në Facebook, Sveçla shkoi se kjo po ndodh për herë të parë që nga paslufta, pas krijimit të njësitit për patrullim ujor.
“Tashmë, kontrolli i kufirit shtetëror është më i plotë. Përgëzoj Policinë e Kosovës për suksesin e radhës!”, tha ministri.
Kujtojmë se Liqeni i Ujmanit është artificial dhe shtrihet në veriperëndim të Kosovës, ndërsa një pjesë e vogël e liqenit kalon në territorin e Serbisë.
Discussion about this post