Katër shtetas rusë kanë rënë në prangat e policisë në Kosovë pasi akuzohen se kanë kaluar pa autorizim kufirin.
Në njoftimin e Policisë së Kosovës thuhet se shtetasit rusë janë ndaluar në afërsi të Leposaviçit derisa përmes një veture të dyshuar të llojit Opel Astra po tentonin të kalonin ilegalisht kufirin. Zëdhënësi i Policisë së Kosovës, Daut Hoxha i tha Radios Evropa e Lirë se të dyshuarit kishin përdorur rrugë alternative për të hyrë ilegalisht në Kosovë.
Çështja e Prokurorisë po e trajton rastin dhe ka dhënë urdhër që shtetasit rusë të dërgohen në mbajtje për 48 orë. Në njoftimin e policisë thuhet se bëhet fjalë për dy burra dhe dy gra. Më 22 tetor, Kosova kishte urdhëruar dëbimin e dy diplomatëve rusë, duke akuzuar Moskën për aktivitete “destabilizuese”.
Discussion about this post