Policia e Kosovës në aksion/ Arrestohen 7 persona, kapen armë dhe…

Policia e Kosovës, me urdhër të Prokurorisë Speciale, ka ndërmarrë një aksion në 7 vendbanime të ndryshme të Kosovës.

Shtatë persona, të dyshuar për vepra të ndryshme penale janë arrestuar, njoftojnë mediat në Kosovë.

Gjatë aksionit janë sekuestruar edhe makina, armë, municion luftarak, mjete të konsiderueshme materiale, si dhe disa prova materiale, që dyshohet se janë përdorur për qëllime kriminale.

“Me urdhër të Prokurorisë Speciale (PS), Policia e Kosovës ka ndërmarr një aksion në shtatë lokacione të ndryshme të Kosovës, ku janë arrestuar shtatë (7) persona të dyshuar për vepra të ndryshme penale.

Prokuroria Speciale dhe Policia e Kosovës, njoftojnë opinionin se gjatë këtij aksioni janë sekuestruar disa vetura, armë, municion, mjete të konsiderueshme materiale, si dhe prova të tjera materiale të cilat dyshohen se janë përdorur për kryerjen e veprave penale.

Aksioni është zhvilluar në shtatë (7) lokacione të ndryshme me dyshimin se personat e ndaluar janë përfshirë në kryerjen e veprave penale, ’Hyrje në sistemet kompjuterike’, ‘Mashtrimi’ dhe ’Shpëlarje e parave’”, thuhet në njoftimin e policisë.