Policia e Kosovës ka reduktuar numrin e pjesëtarëve të saj nga objektet komunale në veri, ka njoftuar zëvendëskomandanti i policisë për rajonin e veriut, Veton Elshani.
Reduktimi ka nisur të mërkurën në mbrëmje, bazuar në zotimin e Qeverisë së Kosovës dhënë Bashkimit Evropian.
Në një nga pikat e zotimeve, qeveria ka bërë të ditur se do të tërheqë një pjesë të policisë, me qëllim të shtensionimit të situatës në veri.
Tensionet në veri të Kosovës nisën që nga fundi i majit, kur kryetarët shqiptarë hynë në ndërtesat komunale në veri, me ndihmën e Policisë së Kosovës.
Discussion about this post