Pavarësisht mbështetjes nga ana e policisë, efektivi Arjan Tase i cili vrau me skaf 7-vjeçaren mund të përballet me akuzën për veprën penale të vrasjes me dashje. Ka qenë Prokuroria e Vlorës, ajo që ka kërkuar që polici që goditi me skaf vogëlushen Jonada Avdia e cila menjëherë më pas humbi jetën t’i rëndohet akuza. Vrasja e kryer me dashje dënohet me burgim nga dhjetë gjer në njëzet vjet, sipas Nenit 76 në Kodin Penal.
Në këtë mënyrë Prokuroria e Vlorës kundërshton qëndrimin e AMP-së, e cila kategorizoi dje ngjarjen në Himarë si “vrasje nga pakujdesia”.
Masa e sigurisë ndaj Arjan Tase pritet të zhvillohet ditën e premte ora 10:30 në gjykatën e Vlorës. Seanca drejtohet nga gjyqtare Viola Canaj, ndërsa prokurore Eranda Laze.
Sipas Prokurorisë vrasja cilësohet si “me dashje” pasi sipas hetimeve të kryera ka rezultuar se Tase është futur në një perimetër ku nuk lejohen mjetet lundruese.
Nga burime mësohet së janë edhe tre dëshmi në Dosjen e Prokurorisë rreth faktit si ka ndodhur ngjarja.
Discussion about this post