Banorët e “5 Majit” vazhdojnë rezistencën për të mos lejuar prishjen e banesave të tyre. Ndërkohë një grua nuk ka pranuar në asnjë mënyrë që të dalë nga shtëpia, por efektivët e policisë e kanë tërhequr zvarrë nëpër shkallët e shtëpisë dhe aty situata është agravuar.
Tepër e revoltuar dhe mes lotësh ajo iu ka thënë atyre se nuk mund ta nxjerrin nga shtëpia, nëse nuk kanë një mandat për prishje. Banorja tha se po i trajton si kriminelë, ndërsa policët po sillen me ta si në diktaturë. “Mandatin e prishjes ku e ke? Ku e ke? Ma trego. O zot, më sill mandatin e prishjes. Mos më prek, ku e keni mandatin. O ndyrësira, o fytyra të zeza. O serb, o Erdogano. Mos i gëzofshi me djersën tonë. A jeni njerëz? O kriminelë, o bandita”, tha ajo.
Disa nga banorët janë ngujuar në shtëpitë e tyre bashkë me fëmijët për të mos lejuar IKMT t’i shembin. Por, policët i kanë nxjerrë me forcë nga banesat dhe përplasjet mes tyre kanë kaluar në dhunë fizike.
Discussion about this post