10 persona janë arrestuar ditën e sotme në kryeqytet për vepra të ndryshme penale. Mësohet se, forca e Posaçme “Shqiponjat” kanë arrestuar në flagrancë E. K., 31 vjeç, pasi gjatë kontrollit iu gjet një sasi kokaine dhe pak minuta më vonë është vënë në pranga një 33-vjeçar me iniciale A. B., pasi gjatë kontrollit iu gjet një sasi heroine.
Ndërkohë , Specialistët për Hetimin e Krimit kanë arrestuar arrestuan dy të mitur A. V., 17 vjeç dhe K. H., 17 vjeç dhe kanë shpallën në kërkim shtetasin A. Th., 16 vjeç, për shkak se ditën e djeshme dhunuan me sende të forta dhe i vodhën bizhuteritë një 19-vjecari pranë Komisariatit numër 5-së. Po për veprën penale “ushtrim dhune” është arrestuar 34 -vjeçari me iniciale U.S, .Ky i fundi është arrestuar në flagrancë pasi ka kundërshtuar dhe goditur për shkak të detyrës punonjësin e Ujësjellës Kanalizime të Bashkisë Kamzë, i cili po kryente disa punime pranë lavazhit të autorit të ngjarjes.
Ditën e sotme nuk kanë munguar as ndëshkimet nga policia rrugore. Nga të dhënat e raportuara mësohet se, janë arrestuar dy shoferë që janë kapur duke drejtuar mjetin në gjendje të dehur, ndërsa tjetri po e drejtonte automjetin pa leje. Në pranga është vënë edhe një 34-vjeçar që ka aksidentuar një të moshuar, e cila humbi jetën menjëherë në vendngjarje.
