Policia greke arreston të shoqin, fqinjët: Pinte por nuk zihesh me gruan

Arrestohet shqiptari pasi gruaja e tij u gjet e pajetë në banesën e tyre në Gyzi të Greqisë.

Sipas policisë, dyshimet për e vrasjen e 62 vjeçares janë hedhur poshtë ndërsa ekspertiza mjeko-ligjore do të zbulojë shkaqet e vdekjes së të moshuarës.

Bashkëshorti i viktimës nuk kishte dokumenta të rregullta për të qendruar në Greqi dhe për këtë arsye është arrestuar.

Sipas mediave greke, me shumë mundësi shqiptari ka qenë vetë ai që ka njoftuar policinë për vdekjen e gruas së tij, por më pas ia ka mbathur për të shmangur arrestimin.

Sipas informacioneve të policisë, në banesën në rrugën “Vergovitsi”, nuk ka asnjë gjurmë të ndonjë personi tjetër që mund të ketë hyrë në shtëpinë e 62-vjeçares shqiptare.

E moshuara u gjet e vdekur gjet e vdekur në shtëpinë e saj ndërsa konstatohet se ka pasur të nxira në trup dhe pritet që ekspertiza mjeko-ligjore të nxjerrë përfundimet e duhura.

Çifti i moshuar jetonte në mjerim, teksa hanin çfarë mund të gjenin. Sipas policisë, bashkëshorti i 62-vjeçares ka vrapuar drejt fqinjëve për të kërkuar pasi ka gjetur gruan e tij të vdekur.

Me ndihmën e fqinjit, ai ka telefonuar policinë. Vetë fqinjët janë shprehur se i shoqi i 62 vjeçares ishte një person që pinte shpesh dhe përfshihej në sherre.

Megjithatë, ata theksojnë se nuk e kishin dëgjuar kurrë çiftin të ziheshin apo që i moshuari të ketë lidhje me vdekjen e gruas së tij.