Policia greke zbulon një plantacion i madh me bimë kanabisi, arrestohet emigranti 36-vjeçar

1 muaj më parë

Policia greke ka zbuluar një plantacion të madh me mbi 1200 fidanë kanabisi në Patra. Si rrjedhojë është arrestuar një 36-vjeçar emigrant, i cili akuzohet për kultivim të lëndëve narkotike. Gjithashtu mësohet se policia greke ka shpallur në kërkim bashkëpunëtorin e 36-vjeçarit.

Gjatë operacionit, policia gjeti një plantacion të organizuar kanabisi të përbërë nga 1210 fidanë në një zonë me pyje të dendur në Reitos.

Plantacioni, sipas policisë, përbëhej nga tre nivele, me një sipërfaqe totale rreth 1500 metra katrorë, ndërsa policia gjeti ndër të tjera në zonën e plantacionit një sistem vaditës me gjatësi totale 100 metra, i cili lidhej me rezervuarët e depozitimit të ujit, një kasolle të improvizuar që përmbante dy çadra kampingu, dy pika të improvizuara grumbullimi të ujit, shumë ushqime dhe enë gatimi.

 

Të ngjashme