Policia i zbulon gjatë momentit të shkëmbimit të drogës, arrestohen 2 persona  (Emra+Video)

Është finalizuar operacioni i koduar “Adriatiku”, për goditjen e veprimtarisë kriminale në fushën e narkotikëve.

Gjatë operacionit është arrestuar në flagrancë Roland Muzhaqi, 33 vjeç, banues në Fushë Mamurras, i dënuar më parë për veprën penale “Kultivimi i bimëve narkotike”, dhe Dritan Llani, 44 vjeç, banues në Krujë.

Gjithashtu, u bë shpallja në kërkim e shtetasit Sokol Kurti, 24 vjeç, banues në Krujë. Nga veprimet e para hetimore ka rezultuar se shtetasi Roland Muzhaqi do ta shiste lëndën narkotike në doza, në qarkun e Lezhës.

Është sekuestruar në cilësinë e provës materiale 31 kilogramë kanabis sativa, 2 automjete, 2 aparate celulare dhe targa automjetesh.

Materialet iu referuan Prokurorisë së Rrethit Gjyqësor Kurbin, për veprën penale “Prodhimi dhe shitje të lëndëve narkotike”, kryer në bashkëpunim.